II PREMIO DE POESÍA ESTRATOSFÉRICA

O II Premio de Poesía Estratosférica é unha iniciativa de NOSA (Axencia Espacial Escolar Galega) solidariamente entre os seguintes institutos: IES Maruxa Mallo de Ordes, IES Miraflores de Oleiros e IES Marco do Camballón de Vila de Cruces, IES Arcebispo Xelmirez II de Santiago, CPI Plurilingüe de Cerceda e IES Ferrol Vello de Ferrol.

1.-Poderán participar no II Premio de Poesía Estratosférica autoras e autores de calquera nacionalidade, presentando unha soa obra de temática cósmica escrita en lingua galega e que non gañasen o premio na mesma categoría en edicións anteriores.

2.-Categorías:

A) ESO

B) BACHARELATO

Para cada un dos centros participantes.

C) ESO

D) BACHARELATO

Para calquer estudante destas etapas e de calquer centro público galego.

3.-As obras aspirantes, que deberán ter unha extensión máxima dunha páxina (DIN A4 de gramaxe
máxima 80 gr/m2) serán inéditas na súa totalidade e non poderán estar presentadas simultaneamente a outros concursos.
4.-O prazo de admisión rematará o venres 15 de marzo de 2019.
Podedes leer con máis detalle nos carteis que deixamos polos corredores do centro.

Publicacións populares deste blog

Obradoiro o Galego en internet e nas redes sociais

Este obradoiro ten como finalidade a reflexión sobre o uso e o fomento do idioma galego en internet e nas redes sociais, está deseñado para ó alumnado de Bacharelato por iniciativa dos Departamentos de Dinamización e a Biblioteca do centro. Está dirixido polo proxecto ORGULLO GALEGO, que se definen a sí mesmos como: "Todos os galegos orgullosos do seu, da súa terra, da súa lingua, do seu pobo, da súa idiosincrasia e da súa historia ocultada e negada. Das paisaxes, da gastronomía privilexiada, e como somos e pensamos, das nosas tradicións e da nosa mitoloxía." Está previsto que teñan unha sesión de una hora os grupos de 1º de Bacharelato do centro o vindeiro martes, 6 de xuño en horario de tarde tal como podedes ver no cartel da convocatoria. obradoiro o galego nas redes de dinamización2019

Ler máis

OS TRABALLOS DO CONCURSO SOBRE A LINGUA GALEGA

Dixamos aquí a exposición de traballos participantes no concurso sobre a Lingua Galega que podedes ver na Biblioteca do instituto. Desde aquí queremos felicitar a todos os participantes e animarvos a continuar a empregar a nosa lingua en distintos ámbitos da nosa vida. concurso de anuncios sobre o galego de Dinamización Sofía Casanova

Ler máis

Obradoiro de APODERAMENTO LINGÜÍSTICO

O pasado venres 11 de novembro, catro alumnos e alumnas de 1º de bacharelato acudiron á terceira sesión do Obradoiro de Apoderamento Lingüístico. Desta volta, xuntouse alumnado de varios institutos de Ferrol. Foi unha xornada de convivencia ben produtiva. O alumnado formulou algúns dos atrancos cos que se atopa no seu día a día cando queren empregar a lingua galega e, por grupos de traballo, propuxeron moi boas ideas para tratar de os superar. Estas propostas expoñeránllelas ao resto de compañeiros e compañeiras nunha terceira xuntanza que se realizará o vindeiro martes 29 de novembro no IES Torrente Ballester. Estade atentos e atentas porque vos contaremos todo o traballo que realizaron. De momento, deixámosvos unhas imaxes do venres 11.

Ler máis