Ola a tod@s! Esta semana no noso instituto estivemos algo ocupados coas celebracións do Samaín. Sentimos que estando nun tempo de dificultade e de ánimo baixo por mor da pandemia da Covid 19,  é máis necesario que nunca  que o noso curso continúe coas actividades que se programaban todos os anos como é o caso do Samaín.  Queremos traballar coa maior normalidade posible coa  ledicia  de esta festa tradicional celta, para lembrar que esta non é unha celebración importada de América se non que fomos nós, os pobos celtas do norte de Europa, os que  levamos alá esta xornada dedicada ós antepasados mortos. Estamos seguros que manter a tradición oral de relatos e contos de medo desta xornada está dentro dos obxectivos deste e de calquera Departamento de Dinamización Lingüística. Precisamente para animar a participación do alumnado nesta xornada, fixemos en colaboración coa Biblioteca do centro e outros Departamentos Didácticos como o de Educación Plástica e Visual, unha ampla e variada prop

 Ola a tod@s! Benvidos a este novo curso que iniciamos com moita forza e esperanza. Neste ano tan atípico non queremos conformarnos nin   rendirnos ante esta pandemia e por iso queremos buscar fómulas para seguir a celebrar as nosas festas coas restricións que nos impón o protocolo da Covid 19 do noso instituto.  Estamos a tratar de celebrar o Samaín de algún xeito, iremos dando pistas, estade atentos.

Aínda que a celebración oficial da Real Academia trasládase a outubro, a causa da pandemia, non podemos deixar de honrar e espallar a figura do noso escritor  Ricardo Carvalho Calero. Entre a multitude de material publicado sobre o profesor Carvalho Calero compartímosvos aquí unhas mostras para que coñezades máis de cerca a vida e obra do escritor ferrolán a quen se homenaxea o próximo 17 de maio, no Día das Letras Galegas. No proxecto "As pitas baixo a choiva " baseado no relato homónimo do escritor, participou o Coro do Sofía. Compartimos tamén unha unidade didáctica cun cuestionario moi faciliño par achegarnos de maneira rápida a aspectos importantes de don Ricardo. Pola nosa banda creamos un challenge-desafío de Kahoot para xogar ese día ou antes do luns 18 de maio, ás 12 PM.  PIN KAHOOT 02153622 .  Pica na imaxe para xogar. Podedes botarlle un ollo tamén ó proxecto " As pitas baixo a choiva " promovido pola   Coordenadora de Equipas de Normaliz

Ola compañeiros! No instituto IES Sofía Casanova, o alumnado de todo 1º da ESO e algúns de 4º, recibimos o día 9 de marzo a visita da escritora Andrea Maceiras. Esta actividade estaba organizada polos Departamentos de Lingua Galega, Dinamización e a Biblioteca. E tivo lugar o enconto  no salón de actos do instituto. A autora fíxollonos unha presentación sobre o proceso creativo do seu libro “ Conta nove estrelas ”.  Explicounos  que lle inspirou a facer unha historia tan máxica e entretida. Despois da distendida charla de Andrea, moitos alumnos  fixeron unha rolda de preguntas, que ela respondeu con gran  entusisamo. Para rematar  asinou varios exemplares que lle trouxeron os asistentes. Foi unha xornada divertida e moi interesante con esta xove escritora que nos sirve de inspiración a todos nós.   Antes de despedirse do centro foi tan amable de contestar ás preguntas que lle tiñan preparadas unhas reporteiras moi especiais de primeiro da ESO. Deixamos aquí as fotos da xornada,

  O Coro do Sofía Casanova ven de participar nunha representación no Teatro Jofre, o domingo 23 de Febreiro da obra As pitas baixo a choiva de Ricardo Carvalho   Calero,  pola compañía  Ghazafelhos, xunto con outros músicos e artistas. Esta actuación inscríbese no desenvolvemento dun proxecto que ven impulsado pola Coordenadora de Equipas de Normalización Lingüística de Ferrolterra , dentro das iniciativas para traballar a figura deste autor, ó que este ano se adicará o Día das Letras Galegas. Diario de Ferrol Coordenadora de Equipas de Normalización Lingüística de Ferrolterra  

Neste 2020 celebramos o 24 de febreiro, o Día de Rosalía, uníndonos a outras institucións que veñen de facer interesantes propostas de actividades, como é o caso da a Asociación de Escritoras e Escritores en Lingua Galega , que baixo o lema #ErrantesPoloMundo_drc_20 fainos unha invitación a reflexionar sobre o tema da emigración nos escritos da autora. Pola nosa parte, este é o segundo curso en que estamos a traballar sobre este fenómeno das migracións e dos refuxiados no mundo. Iniciamos ese percorrido o curso pasado coa celebración do Día da Paz, coa nosa campaña : " Tirando muros, tendendo pontes" , falando sobre os muros no mundo e a necesidade de tender pontes de diálogo para poder construír unha paz duradeira. No mes de febreiro, tamén do pasado curso, volvemos a tocar o tema do sentimento de desarraigo e da pobreza, no caso das persoas que se ven obrigadas a deixar o seu fogar, facendo actividades cos poemas de Rosalía, no 24 de febreiro: Caldo de gloria