O sábado, 9 de marzo, entregáronse os premios aos gañadores da V edición do Certame literario Carmela Loureiro, convocado polo Concello de Ferrol e a Coordinadora de Equipas de Normalización Lingüística de Ferrolterra (CENL). Nun acto que se celebrou ás 12 horas, no centro cultural Torrente Ballester, presidido polo alcalde da cidade Jorge Suárez.
Nesta edición presentáronse 80 traballos: micropoesía (27); microrrelatos (37); microteatro (3) de 18 centros educativos da comarca. O xurado do V Certame Literario Carmela Loureiro estivo integrado por Magdalena González e Aitana Tizón, como representantes do alumnado; Ana Varela Miño, representante do mundo da literatura e da lingua (tradutora e poetisa); Paulo Filgueiras Fachal, representante da Coordinadora de Equipas de Normalización Lingüística, o concelleiro de Normalización, Álvaro Montes e Beatriz Bascoy, como secretaria do mesmo.
Para a modalidade de microrrelatos, os premios recaeron en alumnado do CPI Atios, Cristo Rey, Saturnino Montojo, Juan de Lángara e Sofía Casanova. Os de micropoesía en alumado de Os Casais, Sagrado Corazón, Concepción Arenal, Ludy, Carvalho Calero e Fernando Esquío. Por último, o de microteatro para bacharelato e ciclos formativos foi para o IES Carvalho Calero.
Representando ao Sofía Casanova estaba a nosa gañadora Irene Fernández Arias, no centro da foto. Alumna de 4º da ESO, cun relato titulado: Acompáñame.
Felicitamos a todos os participantes e moi especialmente á nosa compañeira Irene.