Saltar ao contido principal

O SAMAÍN EN TEMPOS DE PANDEMIA

 Ola a tod@s!
Esta semana no noso instituto estivemos algo ocupados coas celebracións do Samaín. Sentimos que estando nun tempo de dificultade e de ánimo baixo por mor da pandemia da Covid 19,  é máis necesario que nunca  que o noso curso continúe coas actividades que se programaban todos os anos como é o caso do Samaín. 
Queremos traballar coa maior normalidade posible coa  ledicia  de esta festa tradicional celta, para lembrar que esta non é unha celebración importada de América se non que fomos nós, os pobos celtas do norte de Europa, os que  levamos alá esta xornada dedicada ós antepasados mortos.
Estamos seguros que manter a tradición oral de relatos e contos de medo desta xornada está dentro dos obxectivos deste e de calquera Departamento de Dinamización Lingüística. Precisamente para animar a participación do alumnado nesta xornada, fixemos en colaboración coa Biblioteca do centro e outros Departamentos Didácticos como o de Educación Plástica e Visual, unha ampla e variada proposta de actividades para o alumnado, que foi enviada ós titores do primeiro ciclo e que estaba aberta para  todo o centro. 

Convocamos varios concursos:
- Un concurso de relatos de medo, en papel .


- Outro de vídeo, lendo ou facendo un  booktrailer dunha obra ou dun  relato de terror ou de medo.



 -Outro de vídeo en Tik Tok, recreando unha escea dunha obra de terror ou medo, ou mudando a roupa para facer unha personaxe dun conto de medo, ou facendo un baile terrorífico.


-Ademais do noso tradicional obradoiro de decoración de cabazas. Esta semana na clase de Educación Plástica de 1º da ESO, baixo a dirección da súa profesora, María Lanza, o alumnado puxo toda a súa creatividade en marcha para facer moitas propostas de orixinais cabazas. Proba diso é a preciosa exposición que está na entrada do instituto. Velaquí vos deixamos algunhas fotos.





Tamén fixemos unha exposición de libros de medo e terror en colaboración coa Biblioteca do centro.


Aproveitamos o escenario para facer unha lectura de textos de medo co alumnado de 4º da ESO, da área de Lingua e Literatura Galega  coa súa profesora Pilar Vázquez.

Comprobamos con agrado como as exposicións serviron para levantar o ánimo da comunidade educativa. Foron moitos os que se achegaron a ver ou falar das propostas.

Deixamos unha presentación  que resume con imaxes esta divertida xornada.

Publicacións populares deste blog

DÍA DAS LETRAS GALEGAS, 2020: ANO CARVALHO CALERO

Aínda que a celebración oficial da Real Academia trasládase a outubro, a causa da pandemia, non podemos deixar de honrar e espallar a figura do noso escritor  Ricardo Carvalho Calero. Entre a multitude de material publicado sobre o profesor Carvalho Calero compartímosvos aquí unhas mostras para que coñezades máis de cerca a vida e obra do escritor ferrolán a quen se homenaxea o próximo 17 de maio, no Día das Letras Galegas. No proxecto "As pitas baixo a choiva " baseado no relato homónimo do escritor, participou o Coro do Sofía. Compartimos tamén unha unidade didáctica cun cuestionario moi faciliño par achegarnos de maneira rápida a aspectos importantes de don Ricardo. Pola nosa banda creamos un challenge-desafío de Kahoot para xogar ese día ou antes do luns 18 de maio, ás 12 PM.  PIN KAHOOT 02153622 .  Pica na imaxe para xogar. Podedes botarlle un ollo tamén ó proxecto " As pitas baixo a choiva " promovido pola   Coordenadora de Equipas de Normaliz

DÍA DE ROSALÍA 2O2O

Neste 2020 celebramos o 24 de febreiro, o Día de Rosalía, uníndonos a outras institucións que veñen de facer interesantes propostas de actividades, como é o caso da a Asociación de Escritoras e Escritores en Lingua Galega , que baixo o lema #ErrantesPoloMundo_drc_20 fainos unha invitación a reflexionar sobre o tema da emigración nos escritos da autora. Pola nosa parte, este é o segundo curso en que estamos a traballar sobre este fenómeno das migracións e dos refuxiados no mundo. Iniciamos ese percorrido o curso pasado coa celebración do Día da Paz, coa nosa campaña : " Tirando muros, tendendo pontes" , falando sobre os muros no mundo e a necesidade de tender pontes de diálogo para poder construír unha paz duradeira. No mes de febreiro, tamén do pasado curso, volvemos a tocar o tema do sentimento de desarraigo e da pobreza, no caso das persoas que se ven obrigadas a deixar o seu fogar, facendo actividades cos poemas de Rosalía, no 24 de febreiro: Caldo de gloria  

MES DA CIENCIA EN GALEGO 2020

Este mes de novembro como cada curso celebramos o Mes da Ciencia en Galego, para poñer de manifesto que a  lingua galega é tan valiosa como outras para facer  ciencia.  Con este motivo   Igaciencia   (Institución Galega de Ciencia) , seguindo a recomendación da ONU que declarou ó  2020 "Ano internacional da sanidade vexetal", propón dedicarlle este mes a dúas figuras:    Robert Koch   (Bacteriólogo descubridor dos   bacilos da tuberculose e do cólera) e ó científico galego    Ernesto Viéitez Cortizo ( Pioneiro da fisioloxia vexetal en Galicia).  E por outra banda en colaboración con a Secretaría Xeral de Política Lingüística e o  Centro Autonómico de Formación e Innovación (CAFI) puxeron a disposición dos centros educativos unha conferencia coa neurocientífica galega  Sonia Villapol Salgado  desde Houston (Texas) titulada:" Só a ciencia nos rescatará da pandemia",  que podedes ver neste  vídeo.   (Videoconferencia 16 de novembro, ás 12:45 horas.) Está enfocado ao