Onte 26 de outubro, como  xa anunciaramos, o noso alumnado de 1º da ESO participou xunto con outros centros escolares de Ferrolterra no recitado Carvalho Calero. Os rapaces prepararon varios poemas de Fran Alonso que recitaron con moita arte nas táboas do Auditorio Carvalho Calero de Ferrol. Aquí vos deixamos unhas imaxes:

Como todos os anos, o noso centro participará no Recitado Carvalho Calero organizado pola Coordinadora de Equipas de Normalización lingüística de Ferrolterra. Este acto celebrarase o vindeiro xoves 26 de outubro no Centro Carvalho Calero do Inferniño. Netsa ocasión será o alumnado de 1º da ESO o que preparará uns poemas de Fran Alonso, acompañados de música. Os rapaces están moi ilusionados preparando a súa homenaxe ao escritor ferrolán do que estamos tan orgullosos. Seguiremos informando...

Como cada curso estamos a deseñar actividades para celebrar o Samaín, Noite de Santos e a tempada de medo. Aquí podedes consultar os diferentes concursos organizados arredor desta temática. Teremos o concurso de decoración de portas, que este ano adicamos á literatura de medo, pero podedes poñer un refrán ou algo relacionado con estas datas. Tamén faremos concurso de Tik-Tok, no que de xeito individual ou en grupo, podedes participar enviando un vídeo no que fagades una recreación ou a lectura de un texto dun conto típico de Samanín. Así mesmo o día 31, pola tarde, teremos un concurso de disfraces. Podedes vir disfrazados e na entrada do centro faremos fotografías de xeito inididual ou en grupos e procedermos a entregar premios ás mellores propostas. Nos carteis que están aquí e que veredes por todo o centro están as bases dos diferentes concursos. Animádevos a participar !