RECITADO CARVALHO CALERO

Despois do parón da pandemia, por fin voltamos a reunirnos para homenaxear a Carvalho Calero. Coma sempre, seguindo as iniciativas da Coordinadora de Equipas de Normalización Lingüística de Ferrolterra acudimos a este acto celebrado o 25 de outubro no centro Carvalho Calero de Ferrol. Nesta ocasión ,os nosos alumnos de 1º da ESO A representaron ao noso centro compoñendo unhas adiviñas sobre a vida e obra do autor. Xuntámonos con outros centros da cidade e contorna que recitaron,leron e bailaron textos e cancións galegas.Todos pasamos un grato momento coa nosa lingua por bandeira.

Publicacións populares deste blog

MURAL EN HOMENAXE A BENITO VICETTO

Esta semana os nosos artistas de 3º da ESO remataron o mural que pecha a conmemoración do II centenario do nacemento do noso ilustre ferrolán. Durante tres días guiados polo artista local Diego Vázquez , quen deseñou o mural, traballaron sen parar e velaquí o resultado. parabéns rapaces.Grazas Diego.

Ler máis

FESTAS DO SAMAÍN 2019-2020

Ola compañeiros! Nestas días de outono estamos a preparar unha exposición de cabazas para celebrar o tempo do Samaín. En posteriores entradas iremos informando das actividades que se van realizando. Temos pensado facer o tradicional magosto se vos animades a participar. De momento deixamos aquí o cartel do obradoiro de decoración de cabazas que se vai celebrar entre os días 4 e 8 de novembro. E tamén queremos invitarvos a participar no certame literario de relatos de terror convocado polo equipo de Dinamización lingüística e o da Biblioteca do centro. Podedes consultar as bases nos carteis anexos e tamén nos carteis impresos dos corredores. Fagamos un Samaín de medo!!!

Ler máis

ALUMNADO 4º DA ESO NO ROTEIRO DAS IRMANDADES DA FALA

O alumnado de 4º da ESO ven de participar nestas semanas do mes de outubro co Equipo de Dinamización Lingüística e os departamentos de Xeografía e Historia e Lingua e Literatura Galega, no roteiro "Ferrol coas Irmandades da Fala ". Cansos e felices polo percorrido e a información acadada ó remate da actividade posan coas profesoras acompañantes: María José e Victoria. Figuras como Aurelio Ribalta, Xaime Quintanilla e Bello Piñeiro, institucións como o coro Toxos e froles, o Casino Ferrolán, a editorial Céltiga e aqueles lugares e persoas relacionadas coas Irmandades en Ferrol son obxecto desta visita. En GaliciaÁrtabra pode verse a relación de Ferrol coas Irmandades da Fala.

Ler máis