HOXE visitounos a creadora de contigo dixital en galego e Tiktoker coñecida Leti da Taberna.Explicoulles ao alumnado a importancia da presenza do galego nas redes sociais e presenoulles outros creadores para que os seguisen. Animounos a usar e defender o galego nas redes.

  Este ano a proposta de decoración da nosa tradicional árbore de Nadal partiu da colaboración de diferentes departamentos: Relixión, Plástica, Bioloxía, Orientación e Dinamización. Escolleuse como tema da decoración a celebración do 75  ANIVERSARIO DA DECLARACIÓN DOS DEREITOS HUMANOS . As distintas titorías, reciclando materiais, adornaron a árbore con estrelas e bólas que contiñan textos cos dereitos humanos. A proposta recollía maioritariamente o emprego da lingua galega, pero tamén se expresaron lemas noutras linguas presentes no alumnado como o árabe ou o italiano. Deixamos aquí o cartel da actividade e podedes leer como se organizou a actividade no blog de titorías . Cartel do Nadal con dereitos Por outra banda, o alumnado de 1º da ESO D presentou no Festival de Nadal unha homenaxe a esta declaración, empregando lecturas, música e imaxes.

Hoxe 21 de decembro celebramos no centro un gran festival de Nadal.  O traballo colaborativo dos departamentos de Música, Lingua galega e Educación física co equipo de Dinamización foi fabuloso. O alumnado traballou arreo preparando diferentes pezas musicais: panxoliñas en galego, versións de autores estranxeiros, unha obra de teatro sobre a tradición do Apalpador e unha magnifica posta en escea da Muiñeira de Chantada que levantou a todo o público. Finalmente os propios profesores demos a sorpresa subindo ao escenario e cantando un Cantar de Reis, versionando aos Cempés.  Todo resultou un gran espectáculo.O público entregouse desde o principio. Xa estamos animados para volvelo a repetir coas Letras Galegas. MOITOS PARABÉNS E GRAZAS A TODOS OS PARTICIPANTES: ALUMNADO E PROFESORES IMPLICADOS.BO NADAL E FELIZ ANINOVO!

Este ano para conmemorar o Día contra a violencia de xénero., o alumnado da ESO recompilou ditos, refráns e frases machistaspara reflexionarmos sobre a necesidade de borralas da nosa mente e dos nosos falares. Con todas as achegas fixemos unha esxposicion na entrada do centro para que todos poideran facer as súas aportacións, así mesmo colocamos nos paneis os carteis que fixo o alumnado en colaboración coas áreas de Lingua Galega e Tecnoloxía.  

 Na tarde do martes 31, o alumnado de 1º e 2ª da ESO, celebrou a véspera de Samaín con diferentes actividades: visualizamos dúas curtas de medo, falamos de ánimas, da Santa Compaña e cantamos o tema de Ruxe-Ruxe adicado á Estadea. O grupo de 3º da ESO representou unha pequena peza teatral baseada no relato de Agustín fernández Paz "O caso do estraño empregado".Resultou unha tarde "ben animada".Grazas ao departamento de Galego e a todo o profesorado que colaborou. Por outra banda , organizamos o "Concurso de decoración de portas terroríficas", aquí tedes a imaxe da porta gañadora de 1º c da ESO. Por outra banda, durante esta semana aínda se poden rematar as decoracións de portas terroríficas e tamén daremos os premios do Concurso de Fotografía de disfraces.  O alumando tamén preparou decoracións para as portas e para o fotocall para o concurso de disfraces, deixamos aquí fotos das manualidades que foron realizadas en colaboración cos departamentos de Relixi...

 Onte 26 de outubro, como  xa anunciaramos, o noso alumnado de 1º da ESO participou xunto con outros centros escolares de Ferrolterra no recitado Carvalho Calero. Os rapaces prepararon varios poemas de Fran Alonso que recitaron con moita arte nas táboas do Auditorio Carvalho Calero de Ferrol. Aquí vos deixamos unhas imaxes:

Como todos os anos, o noso centro participará no Recitado Carvalho Calero organizado pola Coordinadora de Equipas de Normalización lingüística de Ferrolterra. Este acto celebrarase o vindeiro xoves 26 de outubro no Centro Carvalho Calero do Inferniño. Netsa ocasión será o alumnado de 1º da ESO o que preparará uns poemas de Fran Alonso, acompañados de música. Os rapaces están moi ilusionados preparando a súa homenaxe ao escritor ferrolán do que estamos tan orgullosos. Seguiremos informando...