O venres 2 de novembro quixemos lembrar as nosas tradicións, ao tempo que corriamos o fío coa caloriña das castañas asadas, seguindo así o ritual de "salvar" algunha que outra ánima de finado. E, abofé que si, pois serviunos para "espantar" o sanguinolento Halloween e encher o insti dun espíritito moito máis positivo, que é o que ten o Samaín. Mágoa só que ningún alumno se animase a presentar cabazas ao concurso.
O equipo da biblioteca, coa axuda de Antía, ambientou o vestíbulo.
Tamén propuxo "Dez relatos de medo, espíritus e terror" que van moi ben coa nosa celebración.
Alí temos dende clásicos coma Frankenstein ou Drácula, ata cómic dos Barbanzóns, pasando por suposto por Poe ou Lovecraft, ou algúns máis próximos coma Castelao, Zorrilla ou Bécquer.
Tamén propuxo "Dez relatos de medo, espíritus e terror" que van moi ben coa nosa celebración.
Alí temos dende clásicos coma Frankenstein ou Drácula, ata cómic dos Barbanzóns, pasando por suposto por Poe ou Lovecraft, ou algúns máis próximos coma Castelao, Zorrilla ou Bécquer.
Por outra banda, algúns alumnos de 1º da ESO crearon un vídeo sobre a historia do Samaín que recolle as presentacións que fixeron na súa clase e que se proxecta na pantalla da entrada.
O coro dirixido por Almudena, a profesora de Música, amenizounos con cancións.
O coro dirixido por Almudena, a profesora de Música, amenizounos con cancións.
Por suposto, o equipo de extraescolares, axudado pola ANPA e un grupiño de voluntarios de 1º de Bacharelato, ocupouse de que a organización da festa fose todo un éxito.
Preguntados algúns de vós pola experiencia, recollo algunhas testemuñas:
"Gustoume moito o magosto debido a que houbo moito traballo de preparación e as castañas estaban perfetas."
"O coro implicose, mesturando alumnado e profes".
"Paseino ben, foi moi entretido, xa era ora de que o fixeran."
"As castañas un dez. Moi saborosas"
"Quixen participar como axudante e foi moi positivo. Tiñamos que repartir os cucuruchos e logo vixíar un pouco."
Non cabe dúbida de que todos traballaron arreo e é por esta razón que desde o Equipo de Dinamización Lingüística queremos recoñecer o labor que todos vós realizastes, así como agradecer que teñades achegado tanta creatividade.