A Conferencia Xeral da UNESCO en novembro de 1999 acordou a celebración do Día Internacional da Lingua Materna, que se ven celebrando cada ano desde o 2000 o día 21 de febreiro para promover o plurilingüismo e a diversidade cultural.
A lingua materna é aquela en que os nenos aprenden a falar e a relacionarse co seu contorno máis próximo. A UNESCO quere impulsar o coñecemento e a práctica das linguas maternas de menos falantes tamén na escola, nos medios de comunicación, na internet... fóra dos ámbitos en que moitas delas quedan recluídas.
Cada ano escóllese un tema, par este 2019 é o Ano Internacional das Linguas Indíxenas. Os pobos indíxenas representan aproximadamente 370 millóns de persoas e falan a maioría das 7000 linguas vivas. E en palabras de Audrey Azoulay (Directora xeral da Unesco) enténdese que a linguas maternas "son esenciais para contruír a paz".
Nós queremos traer aquí unha preciosa iniciativa de Adriana Bado e Hugo Esquivel, dous deseñadores de México, creadores dunhas ilustracións con declaracións de amor en 10 linguas indíxenas.
Seguramente seguimos influídos pola experiencia dos maiores da residencia de maiores Domus Vi que nos visitaron o pasado 14 de febreiro para falarnos sobre os mitos do amor romántico.
Seguramente seguimos influídos pola experiencia dos maiores da residencia de maiores Domus Vi que nos visitaron o pasado 14 de febreiro para falarnos sobre os mitos do amor romántico.