As mobilizacións pola xornada do Día da Muller Traballadora poden suscitar polémica. Isto foi así ao longo da historia da loita por calquera dereito. No caso das mulleres, elas tiveron que enfrontar moitas destas situacións e hoxe son recoñecidas por esta razón e outras, aínda que tarde, polas súas achegas como: investigadoras, políticas e noutras profesións pero continúa a ser invisible o traballo de moitas mulleres anónimas que loitaron e sufriron traballando man a man, cos homes na terra, nas minas, no mar, na casa, etc. A todas elas queremos render homenaxe co vídeo: “Estatuas de sal”. Nel aparecen retratos de mulleres de moitos ámbitos da esfera internacional que causaron escándalo ou foron incómodas, cando reclamaron os seus dereitos a ser tratadas igual que os homes. Froito da loita das mulleres no terreo laboral e político, hoxe gozamos de moitos dereitos, pero pese aos avances é preciso continuar a loitar por consolidar os cambios na mentalidade da sociedade que fagan efectivo ese principio de igualdade real. Por iso é moi importante que se valore e remunere económica e socialmente o traballo de moitas mulleres anónimas que loitaron xunto aos homes polo desenvolvemento da nosa terra. Nas mulleres recaeu moito traballo que non se visibilizou historicamente e que rematou converténdoas en estatuas de sal.
Música: Autor e intérprete; Ses. Tempestades de sal
The Orchard Music (en nombre de Airapro Producións); Muserk Rights Management y 1 sociedades de derechos musicales.
Imaxes:
|
Na nosa literatura algúns autores retrataron esta situación.
...A muller galega non é dona
-tirádeo da cachola- nin a ama,
nin a raíña do fogar,
senón a compañeira fiel,
valente i amorosa
igual ó home na loita cotra a vida....
...As mulleres galegas -labregas,
mariñeiras, artesás, obreiras,
pasado, pobo, presente,
alma e futuro de Galicia-
non foron cantadas
polo poetas cultos e premiados,
pechados nas súas torres de almasí:..
MANUEL MARÍA. Remol . Bos Aires : Nós, 1970