Continuando coas actividades para a celebración do Día das Letras Galegas, o martes 28 de maio estreouse a obra "Unha praza, un banco e dous casoiros", adaptación de dous sainetes de José Cedena, e interpretada polo grupo de teatro do IES Sofía Casanova baixo a dirección de José Luis Paz. Débese salientar a colaboración doutros profesores para que a realización e representación fose posible: Melba Couto (na supervisión lingüística), Antía López (no deseño do cartel), Alberto Fuentes e Lucía (na realización do vídeo e a reportaxe fotográfica), así como a ANPA e Vily (no atrezzo, vestiario e maquillaxe).
Desde aquí queremos felicitar a todos, pero especialmente ao alumnado, que fixo un gran esforzo todo o ano, traballando con moito entusiasmo para esta ocasión. Dixamos aquí o reparto e un vídeo en que podedes ver a súa actuación.
Equipo artístico:
Picio : DIEGO PICOS.
Marcial: PABLO DORADO
Leandra : LAURA LÓPEZ.
Olvido / Faustina: MARÍA LÓPEZ.
Moza : SARA PENA
Anatolio : IVÁN VILA
Aniceto : ARÓN ESTÉVEZ
Vándalo do parque: ALDRYN RODRÍGUEZ
Leoncia / 1ª narradora: ANDREA RODRÍGUEZ
2º narrador/ Marcial : JAVIER SÁNCHEZ.
Unicamente nos resta felicitalos polo bo traballo realizado e o esforzo de facer tres representacións no día 28: 1ª función, 9.45-10.00, para 1º e 2º ESO; 2ª función, 12.00, para 3ª e 4º ESO; 3ª función, 16.30, para familias.
E unha función máis o día 30, ás 12.00, para o alumnado dos centros IES de Catabois e IES Ferrol Vello.