O pasado venres 22 de novembro e dentro das actividades que imos celebrando no centro co gallo do "Día contra a violencia de xénero", alumnos e alumnas de 1º da ESO e un grupo de 4º asistimos a unha representación teatral no Auditorio municipal de Ferrol. Reunímonos alí varios centros invitados pola Concellería da muller de Ferrol. Presenciamos a representación teatral de"Fillas bravas"do grupo Chévere. Estas "fillas bravas" eran tres mulleres cantareiras que nos deron unha visión do empoderamento e da forza das mulleres rurais e unha lección, mirando ao pasado, do traballo, a autonomía persoal, a independencia dun colectivo feminino ( as fillas do palleiro)que a pesar de ter sido silenciado, chegou ata o noso presente con rebeldía e forza e delas sentimos moito orgullo. A obra tamén presenta un grande traballo de recolleita da oralidade galega e por iso tamén nos pareceu moi importante que o alumnado coñecese esta riqueza musical.
O acto foi presentado polo alcalde de Ferrol e a concelleira de igualdade. Todos os centros preparamos as nosas pancartas para conmemorar esta data e lanzar as nosas protestas contra a violencia de xénero, unha lacra e unha maldición que non lle podemos pasar ás xeracións futuras.
Nós tamén levamos a nosa pancarta e agradecemos, coma sempre, a implicación de Vili que desde o equipo de Biblioteca nos axudou a confeccionala.
Velaí unhas imaxes:
O acto foi presentado polo alcalde de Ferrol e a concelleira de igualdade. Todos os centros preparamos as nosas pancartas para conmemorar esta data e lanzar as nosas protestas contra a violencia de xénero, unha lacra e unha maldición que non lle podemos pasar ás xeracións futuras.
Nós tamén levamos a nosa pancarta e agradecemos, coma sempre, a implicación de Vili que desde o equipo de Biblioteca nos axudou a confeccionala.
Velaí unhas imaxes: