Ola compañeiros e compañeiras!
O Día da Ilustración é unha iniciativa da Consellería de Cultura e Turismo da Xunta de Galicia en colaboración coa Asociación Galega de Profesionais da Ilustración (AGPI). Celébrase cada ano o 30 de xaneiro, coincidindo co día do nacemento de Castelao. Alfonso Daniel Rodríguez Castelao aínda que nesta ocasión únicamente se destaca o seu labor como ilustrador e artista, esta faceta serviulle sempre para deixar constancia da súa loita social e política en favor do desenvolvemento de Galicia. O seu pensamento expresouse en moitas facetas e segue vivo na memoria colectiva do noso país e as súas ilustracións e creacións artísticas dan testemuño dese compromiso con esta terra alá onde se atopase.
A (AGPI) tamén quere facer visibles outras figuras insignes como: Luís Seoane, Leandro Carré, Federico Ribas, Manuel Bujados, Castro Gil, Julio Nieto Nespereira, entre outros. Pero este ano o ilustrador destacado é Cándido Fernández Mazas.
Deixámovos un vídeo para achegarnos a este artista.
Por último, contarvos que este ano o cartel do Día da ilustración que infoma de diferentes iniciativas para celebrar esta xornada é obra de Xulia Pisón. Destacamos tamén que hoxe ás 19'00, farase unha homenaxe a Cándido Fernández Mazas, na Biblioteca Municipal de Ferrol. Contarán coa presencia de Quico Souto (profesor de debuxo do IES. Concepción Arenal e o ilustrador Carlos Sardiña. Esta actividade está organizada polo Club de Prensa de Ferrol.