Neste 2020 celebramos o 24 de febreiro, o Día de Rosalía, uníndonos a outras institucións que veñen de facer interesantes propostas de actividades, como é o caso da a Asociación de Escritoras e Escritores en Lingua Galega, que baixo o lema #ErrantesPoloMundo_drc_20 fainos unha invitación a reflexionar sobre o tema da emigración nos escritos da autora.
Pola nosa parte, este é o segundo curso en que estamos a traballar sobre este fenómeno das migracións e dos refuxiados no mundo. Iniciamos ese percorrido o curso pasado coa celebración do Día da Paz, coa nosa campaña : " Tirando muros, tendendo pontes" , falando sobre os muros no mundo e a necesidade de tender pontes de diálogo para poder construír unha paz duradeira. No mes de febreiro, tamén do pasado curso, volvemos a tocar o tema do sentimento de desarraigo e da pobreza, no caso das persoas que se ven obrigadas a deixar o seu fogar, facendo actividades cos poemas de Rosalía, no 24 de febreiro: Caldo de gloria e Negra sombra.
Este curso 2019-2020, volvemos a unir as celebración do Día da Paz, e do Día de Rosalía. No primeiro, chamamos a atención sobre os "Pasos para a PAZ" insistindo na necesidade de dar pasos para o entendemento e para evitar que moitos desprazados polos conflitos teñan que facer camiño que os alonxe dos seus países de orixe. Coa data adicada a Rosalía e baixo o título:"Pasos errantes" seguimos a insitir nesta idea, uníndonos a iniciativa da Asociación de Escritoras e Escritores en Lingua Galega, pero coa nosa interpretación. Fixemos unha pequena exposición na entrada do centro, con poemas e libros de Rosalía sobre a emigración. Algúns profesores baixaron co alumnado a leer e recitar algúns dos poemas seleccionados. Noutros casos fixémos presentacións e marcapáxinas e tamén lecturas dos versos sobre a emigración.
Aquí deixamos unha presentación para resumir estas iniciativas.
Aquí deixamos unha presentación para resumir estas iniciativas.