Saltar ao contido principal

DÍA DA MULLER E A NENA NA CIENCIA

 

O 11 de febreiro celebramos o Día Internacional da Muller e a Nena na Ciencia. Este ano o lema é: "Máis aló das Fronteiras: Igualdade na Ciencia para a Sociedade". A comunidade internacional vén de facer un gran esforzo para promover a participación das mulleres e as nenas na ciencia. Aínda así a brecha de xénero nos sectores da ciencia, a tecnoloxía, a enxeñería e as matemáticas ( STEM) persiste en todo o mundo. Por este motivo desde os centros educativos póñense en marcha inicaciativas como a da Universidade de Vigo, na que ó longo do mes de febreiro, un total de 32 investigadoras e un investigador ofreceranlles a 34 centros educativos de toda Galicia 70 charlas virtuais sobre o seu traballo e sobre o papel da muller na ciencia e na tecnoloxía. O noso instituto participou, recibindo a conferencia dunha antiga alumna do noso centro:
Catedrática de Psicoloxía Básica e Psicoloxía Xurídica do Menor é Investigadora Principal do Grupo PS1 (Psicoloxía Xurídica) da Universidade de Vigo. A investigadora  fixo unha introdución falando sobre a biografía de Sofía Casanova, e como esta viviu a separación dos seus pais do mesmo xeito que moitos nenos e nenas viven na actualidade esas circunstancias. Isto serviulle para introducir o núcleo da investigación do equipo que dirixe, que se centra nas vivencias dos fillos de parellas en proceso de divorcio, como unha oportunidade de crecemento e de reverter esa realidade en fortalezas. Falou tamén da conexión da súa rama de investigación que é a psicoloxía co dereito e da valoración da psicoloxía , non como unha liña meramente humanista senón como unha disciplina científica máis, insistindo en que a investigación científica non se esgota nas matemáticas a física ou as ciencias naturais e a tecnoloxíaRematou animando a todas as nenas a profundizar na súa formación como medio para encarar o seu futuro como mulleres independentes e libres.
A segunda iniciativa estivo proposta dende os departamentos de Orientación, o equipo de Dinamización e a Biblioteca e consistiu en publicitar algúns materiais para colocar en varios espazos do centro e nos corredores como unha serie de posters enmarcados coas figuras de mulleres científicas senlleiras e uns calendarios coa mesma temática para colgar en cada aula con datos e información biográfica relevante sobre estas mulleres que se adicaron á ciencia. Tamén se fixo unha proposta de materiais para a reflexión nas titorías, como unha colección de infografías.  E vídeos como este que vos deixamos  sobre Margarita Salas.
Tamén o alumado de 4º da ESO da área de L. Galega coa súa profesora Pilar Vázquez fixeron presentacións e vídeos sobre algúnha destas mulleres científicas
Por último, o equipo de profesores responsables no noso centro do Bacharelato STEMbach: Cristina López Suárez e Elisa Moreira García, xunto co Departamento de actividades extraescolares, propuxeron facer conferencias nas aulas da ESO a cargo do alumando desta modalidade de bacharelato.
Os rapaces e rapazas de 2º de Bach, expuxéronlles ós nenos e nenas os proxectos de investigación nos que están a traballar, facendo unhas presentacións moi dinámicas sobre o produto que desenvolveron nel e as fases de cada un; transmitíndolles deste xeito en que consiste o modelo científico de traballo. Tamén levaban unhas batas brancas nas que portaban a imaxe dalgunha científica destacada. Rematada a charla, procederon a facer un concurso de preguntas sobre estas mulleres científicas mediante kahoots que tiñan preparados. A gran calidade do traballo e a coidada exposición deixou ó alumnado dos primeiros cursos da ESO, abraiados da capacidade de traballo do alumnado do Steam Bach. Esta admiración espertou a curiosidade e as ganas de facer tamén eles e elas no futuro algunha incursión no mundo da investigación científica. Foi unha xornada moi produtiva e da que vos deixamos algunhas imaxes.

Publicacións populares deste blog

DÍA DAS LETRAS GALEGAS, 2020: ANO CARVALHO CALERO

Aínda que a celebración oficial da Real Academia trasládase a outubro, a causa da pandemia, non podemos deixar de honrar e espallar a figura do noso escritor  Ricardo Carvalho Calero. Entre a multitude de material publicado sobre o profesor Carvalho Calero compartímosvos aquí unhas mostras para que coñezades máis de cerca a vida e obra do escritor ferrolán a quen se homenaxea o próximo 17 de maio, no Día das Letras Galegas. No proxecto "As pitas baixo a choiva " baseado no relato homónimo do escritor, participou o Coro do Sofía. Compartimos tamén unha unidade didáctica cun cuestionario moi faciliño par achegarnos de maneira rápida a aspectos importantes de don Ricardo. Pola nosa banda creamos un challenge-desafío de Kahoot para xogar ese día ou antes do luns 18 de maio, ás 12 PM.  PIN KAHOOT 02153622 .  Pica na imaxe para xogar. Podedes botarlle un ollo tamén ó proxecto " As pitas baixo a choiva " promovido pola   Coordenadora de Equipas de Normaliz

MES DA CIENCIA EN GALEGO 2020

Este mes de novembro como cada curso celebramos o Mes da Ciencia en Galego, para poñer de manifesto que a  lingua galega é tan valiosa como outras para facer  ciencia.  Con este motivo   Igaciencia   (Institución Galega de Ciencia) , seguindo a recomendación da ONU que declarou ó  2020 "Ano internacional da sanidade vexetal", propón dedicarlle este mes a dúas figuras:    Robert Koch   (Bacteriólogo descubridor dos   bacilos da tuberculose e do cólera) e ó científico galego    Ernesto Viéitez Cortizo ( Pioneiro da fisioloxia vexetal en Galicia).  E por outra banda en colaboración con a Secretaría Xeral de Política Lingüística e o  Centro Autonómico de Formación e Innovación (CAFI) puxeron a disposición dos centros educativos unha conferencia coa neurocientífica galega  Sonia Villapol Salgado  desde Houston (Texas) titulada:" Só a ciencia nos rescatará da pandemia",  que podedes ver neste  vídeo.   (Videoconferencia 16 de novembro, ás 12:45 horas.) Está enfocado ao

MES DA CIENCIA EN GALEGO

Este martes 20 de novembro en Santiago de Compostela, o conselleiro de Cultura e Turismo, Román Rodríguez, participa nun acto institucional co alumnado do IES Sofía Casanova de Ferrol que contou co catedrático Luis Puig Mosquera, profesor de matemáticas do noso centro, que fixo un relatorio sobre "As simetrías do Pórtico da Gloria”. A este evento , que se desenvolveu no Pórtico da Gloria, tamén asistiron o secretario xeral de Política Lingüística, Valentín García; a directora xeral do Patrimonio Cultural, María del Carmen Martínez; os presidentes da Real Academia de Ciencia, Miguel Ángel Ríos, e da Institución Galega de Ciencia, Manuel Díaz; así como o deán da Catedral de Santiago, Segundo Pérez. Esta actuación enmarcase dentro das actividades do Mes da Ciencia en Galego, que a consellería de Cultura e Turismo, promove tamén por medio de accións nas bibliotecas públicas e mais nos centros educativos a través dos equipos de dinamización da lingua galega coa finalidade de v