Saltar ao contido principal

FESTA DOS MAIOS


Nos últimos anos estamos a consolidar no Sofia Casanova a recuperación da festa dos Maios, sabendo que na nosa cidade ten un grande impacto desde que o barrio de Canido tomara a iniciativa de actualizar esta festa facendo decoracións florais nas súas rúas e comercios. Esta gaña cada ano en participación e acollida da cidadanía. Pola nosa banda, fixemos na entrada do Instituto, o noso Maio coas achegas de plantas e flores recollidas polo alumnado e o profesorado. Na confección implicáronse particularmente a Biblioteca o e os Departamentos de Dinamización, Orientación e o de Bioloxía. Tamén queremos agradecer a inestimable axuda dos pais e nais da ANPA, coa súa presidenta que sempre está disposta a botar unha man en calquera iniciativa.
As familias colaboran no Maio.

Dentro de pouco celebraremos tamén co Voluntariado da Biblioteca e os anciáns da residencia Domus VI  esta mesma festa, artellando dous Maios, pois un quedará no noso centro e o outro vai para a residencia. Xuntarémonos diante da parroquia do Pilar e alí recitaremos poemas e cancións propios desta festa. Este ano imos levar no noso tríptico un poema de Florencio Delgado Gurriarán, o autor ó que se dedica o Día das Letras Galegas 2022, que leva por título, O MAIO.
Deixamos imaxes da actividade e o tríptico.

Etiquetas

Etiquetas:

Publicacións populares deste blog

MES DA CIENCIA EN GALEGO

Este martes 20 de novembro en Santiago de Compostela, o conselleiro de Cultura e Turismo, Román Rodríguez, participa nun acto institucional co alumnado do IES Sofía Casanova de Ferrol que contou co catedrático Luis Puig Mosquera, profesor de matemáticas do noso centro, que fixo un relatorio sobre "As simetrías do Pórtico da Gloria”. A este evento , que se desenvolveu no Pórtico da Gloria, tamén asistiron o secretario xeral de Política Lingüística, Valentín García; a directora xeral do Patrimonio Cultural, María del Carmen Martínez; os presidentes da Real Academia de Ciencia, Miguel Ángel Ríos, e da Institución Galega de Ciencia, Manuel Díaz; así como o deán da Catedral de Santiago, Segundo Pérez. Esta actuación enmarcase dentro das actividades do Mes da Ciencia en Galego, que a consellería de Cultura e Turismo, promove tamén por medio de accións nas bibliotecas públicas e mais nos centros educativos a través dos equipos de dinamización da lingua galega coa finalidade de v...
Ler máis

ALUMNADO 4º DA ESO NO ROTEIRO DAS IRMANDADES DA FALA

   O alumnado de 4º da ESO ven de participar nestas semanas do mes de outubro  co Equipo de Dinamización Lingüística e os departamentos de Xeografía e Historia e Lingua e Literatura Galega, no roteiro "Ferrol coas Irmandades da Fala ".   Cansos e felices polo percorrido e a información acadada ó remate da actividade posan coas profesoras acompañantes: María José  e Victoria. Figuras como Aurelio Ribalta, Xaime Quintanilla e Bello Piñeiro, institucións como o coro Toxos e froles, o Casino Ferrolán, a editorial Céltiga e aqueles lugares e persoas relacionadas coas Irmandades en Ferrol son obxecto desta visita. En GaliciaÁrtabra pode verse a relación de Ferrol coas Irmandades da Fala.
Ler máis

FESTAS DO SAMAÍN 2019-2020

Ola compañeiros! Nestas días de outono  estamos a preparar  unha exposición de cabazas para celebrar o tempo do Samaín. En posteriores entradas iremos informando das actividades que se van realizando. Temos pensado facer o tradicional magosto se vos animades a participar. De momento deixamos aquí o cartel do obradoiro de decoración de cabazas  que se vai celebrar entre os días 4 e 8 de novembro. E tamén queremos invitarvos a participar no certame literario de relatos de terror convocado polo equipo de Dinamización lingüística e o da Biblioteca do centro. Podedes consultar as bases nos carteis anexos e tamén nos carteis impresos dos corredores. Fagamos un Samaín de medo!!!
Ler máis